" پہچان "( 14 اگست 2023ء)
دعائیں تھیں ، کہ اِک ٹکڑا زمین کا ملے
پاؤں کسی سطحء مرتفع کو چُھوئیں
آسماں تو اپنا ہو
یوں اِک وطن ملا
پاکستان بنا، نام مِلا ، اور پہچان بنا
غیروں نے استعجاب سے دیکھا !!
تو تم ہو اس خطہء ارض کے باسی ؟
جوابا" آوازیں بلند ہوئیں ،،،،
ہاں! یہ اس جہاں میں ہمارا جہاں ہے ،
کوشش ہے آبیاری کی
ویرانوں کو بدلنے کی
صحراؤں میں گلستانوں کی
چاہت ہے سر بلندی کی
منزل گرچہ دور ہے بہت دور
اور , بد راہ بیٹھے ہیں ، ہر سنگ مِیل
تعصب و جُہل کے کھنکھناتے سِکوں سے لُبھاتے
لیکن کچھ لوگ انمول ہوتے ہیں !!
باعث بیداری ء شُعور ہوتے ہیں ،
یہ از خُود وطن کی پہچان ہوتے ہیں !
کبھی جناحؒ ،کبھی عمران خان ہوتے ہیں
( منیرہ قریشی ، 14 اگست 2023ء واہ کینٹ )
کوئی تبصرے نہیں:
ایک تبصرہ شائع کریں