منگل، 9 جون، 2020

" محض ایک دروازہ ہوں

" محض ایک دروازہ ہوں "
،،،،،،،،،،،،،،،،،،،،،،،،،،،،،،،،،،،،،
مَیں تو محض ایک دروازہ ہوں
کبھی اُونچا ، کھُلا ، میخوں جڑا
کبھی نیچا ، اُکھڑا ، اُجڑا
مگر اِس کو الانگتے قدم
کبھی پُر اعتماد ، سیدھی نظر ، جمے قدم
کبھی یہیں سےگھُستی تیز ، تیکھی حاسد نظر
کبھی پلٹتے مایوس قدم ،،،گیلی نظر
کبھی پلٹتی انتقامی پھُونکیں ،،،،،
بہ واپسی طنز کے خنجر ، سازشی محفلیں
تیاریاں ،، تیاریاں !
کبھی حوالہ کہ باپ ہوتا ہے گھر کا دروازہ
سراپا مدافعت ، معاونت ، محافظت
کبھی مانند مثالِ ماں ہے گھر کا دروازہ
گرم ، سرد ، رُوکھا سُوکھا سمیٹنا سمٹانا
لیکن میَں تو محض ایک دروازہ ہوں
شاید محض ایک اِستعارہ ہوں ،،،،؟
( منیرہ قریشی 9 جون 2020ء واہ کینٹ