" آخری منظر " ( معصوم شہداء کے لیۓ )
" میں ابھی تین سال کا ہوں
میری ماما مجھے سِری لیک کھلا رہی تھی
ماما کی آنکھیں سبز تھیں
اور ہونٹ میٹھے تھے ،،،،،
کیوں کہ وہ جب مجھے چومتی
میَں میٹھے سے بھر جاتا !!
مگر اب ماما گم ہو گئی ہیں
یا،،،، مَیں گم ہو گیا ہوں !!
ہم ٹکڑوں میں بٹ گئے ہیں،،،
اور میری آنکھوں میں ٹھہرا منظر
تمہیں حیران کیوں کر رہا ہے ؟
سری لیک تو ابھی بھی میرے منہ میں گھُلا پڑا ہے !
میں حیران ہوں ، ماما کہاں گم ہو گئیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مَیں پانچ سال کا ہوں
میَں اور بابا نٹ بال کھیل رہے تھے
وہ کییچ لیتے تو نعرہ لگاتے ،
مَیں سرشار ہو ہو جاتا
کتنا زبردست ہے میرا بابا
ہے کوئی دنیا میں اس جیسا !!
مگر پھر یکدم ہم گم ہو گۓ ،،،،
کچھ تڑ پے ،، کچھ ٹھنڈے ہو گئے
میری آنکھوں کی پُتلیوں میں بابا کے ہاتھ ہیں ،،
نٹ بال کیچ کرتے ہوئے !
یہ منظر ساکت ہو گیا ہے
قیامت تک کے لیۓ ،،،،
( بموں کی تاریخ ،،، انسانیت کو کیا جواب دے گی )
منیرہ قریشی 11 جون 2021ء واہ کینٹ
کوئی تبصرے نہیں:
ایک تبصرہ شائع کریں