اتوار، 21 اپریل، 2019

" خواہشِ شدید "

" خواہشِ شدید "
،،،،،،،،،،،،،،،،،،
منظرِ محشر تھا
میزان سامنے تھا
دائیں میں رَتی بھرسامانِ زیست
اور پلڑا نہایت خفیف
بایاں، بھاری گٹھڑ
پلڑا نہایت ثقیل
دانت نکوستے گناہ،
رقصِ جشنِ مناتے ہوۓ
میَں لرزیدہ ،،،،!۔
دلِ مضطرب لیۓ
چشمِ تر ، لیۓ،
کاتبین بھی حیراں
بھلے تہی دامن تھی
پر تہیء امید نہ تھی
یکدم ،، دایاں بھاری ہوا
اِک قطرہء تشکر ، شامل ہوا
اِک قطرہءطلبِ مغفرت
اِک قطرہ دعویٰء محبت
اِک قطرہء احساسِ گناہ
بتدریج شامل ہوا ،، !!۔
کاتبین مسکراۓ !!۔
اور آنسوؤں سے
میری آنکھ کھُل گئی
( منیرہ قریشی 21 اپریل 2019ء واہ کینٹ )

کوئی تبصرے نہیں:

ایک تبصرہ شائع کریں