"اِک پَرِ خیال''
'جیومیٹری'
چکنی مٹی کی تختیاں جن پر نقش کی ہوئی علامات سے جیومیٹری کے میدان میں اہلِ بابل کی تاریخی سبقت ثابت ہوتی ہے ۔یہ زمانہ بادشاہ حمورابی کے دور کا تھا ۔گویا جدید جیومیٹری یونانی تہذیب سے بھی ایک ہزار سال پہلے ایجاد کر لی گئی تھی اور اس دور کے قدیم دریافت شدہ نوادرات سے لائنوں کے استعمال کا پتہ چلا ،،،، گویا اس دور میں تہذیب و تمدن نے اپنا اک جاہ و جلال دکھایا تھا۔
پھر ایک مدت گزری ، صدیوں نے کچھ صفحات پلٹے ،،،ازبکستان سے تعلق رکھنے والے ،، صدی کے ذہین ترین شخص نے جنم لیا ،، جس کا پورا نام محمد ابنِ موسیٰ الخوارزمی تھا ۔ اور جس نے ریاضی کی اس شاخ کی ایجاد میں وہ کمال حاصل کیا ،، کہ آج بھی اس میدان کا شہسوار وہی مانا جاتا ہے ،،،،
جیومیٹری کی لائنوں سے جس طرح مسائل حل کیے جاتے تھے ، اور کیے جاتے ہیں،، یوں محسوس ہوا جیسے ہر مسئلۓ کا حل شاید ریاضی کی اسی شاخ میں موجود ہے ،،انہی ذہین انسانوں نے جسے رب کی ودیعت کی گئی حکمت سے معلوم کیا ۔۔۔کہ کائنات تو حساب کی ہر برانچ کے مطابق ہموار طریقے سے ترتیب دے دی گئی ہے ۔
یقیناً ہر علم ایک خاص حکمت میں لپٹا نازل ہوا ہو گا ،، جو الہامی کیفیت لیے ہوتا ہے ،، تب ہی تو درجہ وجۂ دوام ہو جاتا ہے ،،، یہی الہامی کیفیت بھی اک درجۂ روحانیت بھی ساتھ لیے چلتی ہے ،،،،،
اپنے خالق سے عشق کیسے کروں کہ اس کے شایانِ شان الفاظ بیان ہو جائیں،،، سوچ ابھی اٹھ رہی ہوتی ہے کہ چشمِ نم دیدہ چہرے کی سلیٹ پر لکیریں کھینچ دیتی ہے ،، اؑعترافِ عشق ، نذرِ عاشق کیا جاتا ہے ،،، شکریہ جیومیٹریکل لائنوں کا۔
جیومیٹریکل لائنوں کے بھی کیا بھید ہیں ۔ اور انسان کی ان رازوں کو کھوجنے میں کچھ صدیاں بیت گئیں ، کچھ بِیت رہی ہیں ،،، حیران کن جیومیٹریکل لائنیں ،، شکریہ جیومیٹری !!
خالق و مالک و رازق سے محبت کے سچے گواہان میں شامل ہیں یہی جیومیٹریکل لکیریں ،، شکریہ جیومیٹری !!!
اور اگلے ہی لمحے جب فرما دیا گیا ۔" جو مجھے چاہے تو وہ اسؐے چاہے " ،،،،، اور اس عشق کے مقابلے میں 1500 سال سے لگی لمبی قطاریں ہیں، نہ جانے کن خطہ ہاۓ ارض سے آنے والوں کے ہاتھوں میں درود پاکﷺ، نہایت خوبصورت پیکنگ اور عطریات میں بسے پکڑے ہوۓ ہیں ۔ نہ جانے میری باری کب آۓ !!
اور اگر آ بھی جائے تو کہیں یہ تحفہ ایک طرف نہ رکھ دیا جائۓ !! ابھی خدشات نے کندھے پر ہاتھ رکھا ہی تھا کہ "جیومیٹریکل لائنوں " نے عرضی مکمل کردی ،،، شکریہ ، تشکر !!
شان والے کے لیے صرف خوبصورت پیکنگ ہی ضروری نہیں اس پر پڑے اخلاص کے قطروں کی بھی کوئی قیمت تو ہو گی ،،، شکریہ جیومیٹری،
دل کے کونے سے اک خواہش نے دبی آواز میں کہا" کاش ! دمِ آخر بھی اسی تحفۂ محبت کی محفل سجا لوں ،،، جیومیٹریکل لائنوں نے فوراًًآمین کہا ،، شکریہ جیومیٹری !!!
( منیرہ قریشی 23 ستمبر 2022ء مانچسٹر)
کوئی تبصرے نہیں:
ایک تبصرہ شائع کریں