" اک پرِّ خیال "
' بہاریہ پیغامات '
دسمبر 2019ء سے 2021ء آن پہنچا ہے اور کوویڈ 19 ، یا کورونا 19 کے نام سے پوری دنیا میں ناموری حاصل کرنے والی وباء نے ،،، انسانوں پر اپنے پنجے گاڑے ہوۓ ہیں ۔۔۔۔ انسان کے اشرف المخلوق ہونے کی ایک نشانی یہ بھی ہے کہ اس نے اس وبا کے آگے گھٹنے نہیں ٹیکے ،،،، لمحہ بہ لمحہ ،،، دن بہ دن ،،، اور تسلسل سے اپنی زندگی میں تیزی سے وہ تبدیلیاں لاتا چلا گیا کہ جس سے " زندگی مفلوج ہونے سے بچی رہے ،، جلدی جلدی اس کے سدِ باب ،، جاننے کی کوششیں کی گئیں ،، اس کی کوئی دوا نہیں ،، بس احتیاط ہاں البتہ، سب سے پہلے نمبر پر کوشش کر کے ویکسین بھی ایجاد کر لی گئی ۔۔۔۔۔اور اب ،،،، جائزہ لیا گیا کہ انسانوں کے بیرونی اور اندرونی " مزاج " کس حد تک متاثر ہوۓ ہیں ۔۔۔۔ اب سائیکالوجسٹ ،،، اور روحانی معالج ،،، اور ڈیپریشن کے ڈاکٹرز ،،، اپنے اپنے میدانوں میں تحقیق کر کے علاج ، تجویز کر رہۓ ہیں ،،،، رہن سہن کو آسان بناۓ جا رہۓ ہیں ۔
اور اب مارچ ،اپریل 2021ء ہے ،،،، سڑکوں ، باغوں ، ویرانوں ، بیابانوں ، اور صحراؤں میں بہار کسی نا کسی رنگ میں آ موجود ہوئی ہے ۔۔۔ یہ چھوٹا سا دورانیہ ہے لیکن ،،، " کُوڑے کے ڈھیروں " پر بھی کہیں پھولوں کے رنگوں کی جھلک نظر آ جاتی ہے ،،، تو جہاں انسانی کوشش ہوں ،، اور وہاں پھولوں کی نمو کے لیۓ تردد کیا گیا ہو ،،، وہاں تو پھر۔۔۔
" بہار پُر بہار ہے ،،،، ترنمِ ہزار ہے ،،،، یا پھر میر تقی میرّ کا یہ شعر ،
؎ چلتے ہو تو چمن کو چلیۓ ، کہتے ہیں کہ بہاراں ہے ،
پھول کھلے ہیں، پات ہرے ہیںکم کم باد و باراں ہے
کون سے وباء ،،، کون سی پابندیاں ،،،، بہار کہیں دروازے کھٹکھٹا کر آ رہی ہے ،، ( گلدستے بھیجے جا رہۓ ہیں )۔۔۔ کہیں واٹس ایپ کے ذریعے اپنے لان کے ہر رنگ کو دوسروں کی آنکھوں کی طراوت کے لیۓ بھیجا جا رہا ہے ،،،،، اور کہیں بہار کو ترنگ و آہنگ کی صورت شیئر کیا جا رہا ہے ۔
آہ اے انسان ! تو واقعی اشرف المخلوق ہے ،، کہ موت کے رقص میں بھی مسکراہٹ کے مواقع ڈھونڈ لیتا ہے ،،، اور کائنات بھی اس موسمِ رنگ و بُو ، میں کسی بخیلی کا مظاہرہ نہیں کر رہی ،،،جیسے کہہ رہی ہو امیدِ بہار رکھ ، امیدِ بہار رکھ !!!
امجد اسلام امجد کا بھی شکریہ ،، جنھوں نے کہا تو ہے !
" خوشبو کی پوشاک پہن کر
کون گلی میں آیا ہے ،
کیسا یہ پیغام رساں ہے
کیا کیا خبریں لایا ہے
کھڑکی کھول کر دیکھو باہر
موسم میرے دل کی باتیں
تم سے کہنے آیا ہے ،،،،،،
( منیرہ قریشی 9 اپریل 2021ء واہ کینٹ )
