" اللہُ واحد "

" اللہُ واحد "

،،،،،،،،،،،،،،،،،،

میرا پَور پَور ، میرا بال بال ، میرا ریشہ ریشہ

گُندھا ہے یہ آمیزہ ، ندامت کے پانی سے

اور بُنے وہ تانا بانا ، کہ چادر ہوئی تیار

کہ اوڑھوں تو دنیا، آنکھوں میں آ سماۓ

کائنات گود میں جگہ بناۓ

بند آنکھیں بہہ بہہ جائیں

اور لب بولیں ،،،،،،،،۔

اللہ ھُو ، اللہ ھُو ، اللہ ھُو

،،،،،،،،،،،،،،،،،،،،،،،،،

میرا پَور پَور ، میرا بال بال ، میرا ریشہ ریشہ

یکجائی سے بُنا ، وہ تانا بانا

کہ بنَ گیا ، " اِکتارا "

اَور اِکتارا جب بھی بولا !!۔

اللہ ھُو ، اللہ ھُو ، اللہ ھُو

،،،،،،،،،،،،،،،،،،،،،،،،،،،،

میرا پَور پور ، میرا بال بال ، میرا ریشہ ریشہ

گُندھا ہے، آنسوؤں کے کیچڑ سے

اب بَنا ہے وہ بُت

سُنے کچھ اَور ، بولے کُچھ اَور

پھر رقص کناں

زیرِ زباں ، سلسلہ آشنا

اللہ ھُو ، اللہ ھُو ، اللہ ھُو !۔

،،،،،،،،،

( منیرہ قریشی ،یکم دسمبر 2019ء واہ کینٹ )