ہفتہ، 29 اپریل، 2017

" پیامِ آقا "

" پیامِ آقا "
میں تیار ہوں
کہ تیرے فرستادے کے آنے پر 
لبیک کہوں 
اس یقینِ کامل کے ساتھ کہ ،،،،
" چل اے نفسِ مطمئنہ اپنے رب کی طرف "
حاضر ہے تیرے د رپر یہ حقیر
اس نفس کی کوتاہیوں سمیت ،،،،
اس بےثبات زندگی کی لرزشوں سمیت ،
میں حاضرہوں
اس یقینِ کامل کے ساتھ ،،،،
کہ تیری محبت و رحمت کا سایہ
عافیت میں سمیٹ لے گا ،،،،،
مجھے ، مجھ سے زیادہ جاننے والے
میرے ہرخیال کو جانچنے والے
میں تیار ہوں
کہ تیرا بلاوا ، تیری رحمت ہی تو ہے
اس یقینِ کامل کے ساتھ
!یہ مہمان تیرے در پر ہے کہ
ستر ماؤں سے بڑھ کرتیری رحمت کی بارش ہو
تو پھراپنی خوش نصیبی پر کوئی شک کیسے ہو 

( منیرہ قریشی ، یکم جنوری 2016ء واہ کینٹ )

کوئی تبصرے نہیں:

ایک تبصرہ شائع کریں