"مختصر ،مُختصر "
بےنیازی
"خواب بُننے میں وقت لگتا ہے
اُن کی تعبیر تو عمر کھا جاتی ہے
تب لمحے صدیاں لگتے ہیں
اور پھر
،،،،،،،،،،،،
بالوں میں سفیدی ،
لہجے میں ٹھہراؤ ،
چلنے میں عاجزی ِ
سپنے کھو بھی جائیں،زندگی سے گِلہ نہیں رہتا !
،،،،،،،،،،،،،،،،
یادیں !
آہ ! یادیں رہ جاتی ہیں
جب کچھ پُرانی تصویروں سے
جب کچھ پُرانی تحریروں سے،
آنکھوں سے چھینٹا دے کر ،،،
گرد ہٹائی جاتی ہے !
تب آنکھیں پھُول چڑھاتی ہیں ،
آہ ! یا دیں ہی تو رہ جاتی ہیں !!!
( منیرہ قُریشی اکتوبر 2013ء )
کوئی تبصرے نہیں:
ایک تبصرہ شائع کریں